Plantun de Prouvènço

Pèr coumpara dos planto d'encò nostre

Cyperus flavescens & Myosotis arvensis

Cyperus flavescens

Cyperaceae

Nom en français : Souchet jaunâtre.

Descripcioun :
Aquéu triangle trachis en ribo d'aigo. Fai d'espigo verdo, jaunasso à la baso, bèn desestacado lis uno dis autro emé tres à cinq lòngui bratèio. Sèmblo proun à Cyperus fuscus, mai pas pèr la coulour. Pamens a la coulour de Cyperus eragrostis mai, coume l'avèn dis, lis espigo soun pas proche eici.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 (50) cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Cyperus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 6 cm
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Cyperus flavescens L., 1753

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").